قفشات قريبة من الاستقبالات - سودان سات

سودان سات


ضع اعلانك هنا ضع اعلانك هنا ضع اعلانك هنا ضع اعلانك هنا
ضع اعلانك هنا ضع اعلانك هنا
ضع اعلانك هنا


العودة   سودان سات > - الالعاب و الغرائب و الطرائف - > الصور والغرائب والطرائف والفكاهة

ضع اعلانك هنا
إضافة رد
 
أدوات الموضوع إبحث في الموضوع انواع عرض الموضوع
قديم 02-12-2017, 09:32 PM   #1
معلومات العضو
مجدالدين
[بيانات العضو]









 

مجدالدين غير متواجد حالياً

أحصائية الترشيح

عدد النقاط : 10
مجدالدين is on a distinguished road

 

افتراضي قفشات قريبة من الاستقبالات





اولا احترت جدا اين اضع هذا الموضوع المهم وضعته هنا والسلام ماعارف ليه تقريبا لانو واحة عامة رغم ارتباط هذا القسم في ذهني بالجدية ( طبعا في منتديات سابقة) الموووووهم :
دي استراحة طبقجي ههههه عجبني المطلح ( حصري وكده هو منذر براهو العامل لينا فيها بتاع حصريات والله انا القي طباقتك السمحة دي اجيب ام طرقا عراض) الموههههم هو انا لسه ماقلتا الموهم ..
اها ياساده يامشرفين دي فضفضة طبقجي ساي يعني ونسة قفشة سموها زي ماتسموها.
نخش في ركن صغيروني من اركان الموضوع فجاءة كده بقدرة قادر لقيت ليك نفسي مالي البيت كلو طباقا ههههههه ( عبادة زاتو ملان طباقه ) الموهم القصة اتعدت مسألة اني اجيب القمر الفلاني ولا القناة الفلانية اللذة اصبحت في التحدي زاتو وتحقيق الانتصار بزلزلة اركان القمر الفلاني وتطويعه ..
طبعا ماف حاجة ساي والمسألة جابت ليها ( الزول ده جن) والغريبة الناس البقولو كده بعد شوية تلقاهم لازين ليك رسالة واتسابية ( كورة فلان مامشغلة) جنس مصالح .. اي مشغلا وطبعا بكون مستمتع اكتر من مشاهدة الكورة بعبارات المجاملة والثناء غايتو في الوكت داك فلايت الطباقا شوية بتروح.
ده طبعا كلو كوم غير لمن تكون راكب وتلقي ليك طبق دش هايننو ياخ الكلام ده بوجعني وجع .. قبل كده ماشي في الشارع لقيت ليك طبق 180 سم متكول في الحيطة والشرايح ناقصة وبهدلة .. جيت لي سيدو وسالتو الطبق ده عايز تبيعو .. طبعا عاين لي من فوق لي تحت انا في الوكت داك ندمت اني ماجيت بعربية كارو علي اساس اني بتاع خرد .. الموهم الزول شال الفيها النصيب وشلتا الطبق ودلعتو بي كم صاجة هو اي قاح الحداد لمن عرف اني داير الطبق لقنوات فضائية برضو اخد ليهو قرمة لكن قرمتو مع اشارة ال68 باللاقط السي باند راحت وهسه مستمتع جدا بالطبق وبجيني مرات مرات احساس تلقي ليك كلب جربان وضعيف وتجيبو البيت وتغسلو ويبقي مبغبغ ونبحتو تسمعها من راس الشارع ههههه .
ده كلو كوم غير السهر ووجع الضهر والكركبة .. والله يياعبادة علي قول الجماعة بعد ده بنلبد ليك لي طباقتك دي قريب ده بنلقاها في منتدي البيع التحت داااااك هو بيني وبينكم نودي الطباقة دي وين كلها لو قلنا مساطر وكده الطبق ببقي زي اب قنفت من اللواقط هههههه شغلة المساطر دي الوحيدة الغلبتني حدي قمرين هههههه.
قبال مانقفل الموضوع المامعروف ليهو راس ولاقعر ده الحاجة الداير اقولا يارفقاء الطباقة انو والله لمتنا دي لي خير اي ماعندنا قمر سوداني لكن اقمار الناس شايلانا في امان الله والاكتر من كده شايلنا المنتدي ده وبالجد وجدنا اخوة لهم باع طويل في هذا المضمار شئ قنوات مخفية وشئ قوس اقمار والله كلام ولا كنا بنحلم بيهو والاكتر دهشة انو في المنتدي جهابزة هزو عروش اكبر الشركات بمقترحاتهم وتعديلاتهم علي السوفتات ياخ نحنا بي شتارتنا دي بنسوط معاهم عادي وعاملين فيها مهندسين كبار وكده والله جنس محن ..
احبابي بسودان سات وجدنا في هذا المنتدي بيت آخر ومنبع للمعرفة فلكم كامل الشكر
التوقيع : واحد طبقجي. كونوا بخير






    رد مع اقتباس
قديم 11-30-2017, 04:29 PM   #2
معلومات العضو
mohammed abdo
[بيانات العضو]









 

mohammed abdo غير متواجد حالياً

أحصائية الترشيح

عدد النقاط : 10
mohammed abdo is on a distinguished road

 

افتراضي رد: قفشات قريبة من الاستقبالات





مشكوووووور






    رد مع اقتباس
قديم 06-29-2019, 05:12 PM   #3
معلومات العضو
naplyon
[بيانات العضو]









 

naplyon غير متواجد حالياً

أحصائية الترشيح

عدد النقاط : 10
naplyon is on a distinguished road

 

افتراضي رد: قفشات قريبة من الاستقبالات





اتاري الناس دي كلها واحد وبتساكك الطباقة في اي حتة واي واحد بيتو عامل زي ابو حراز من كترة الاطباق






    رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

IP

الساعة الآن 01:43 AM


الإدارة غير مسؤوله عن أي اتفاق تجاري بين الأعضاء فعلى كل شخص تحمل مسؤولية نفسه إتجاه مايقوم به من بيع وشراء وإتفاق . التعليقات المنشورة لا تعبر عن رأي الإدارة ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة لدي شبكة منتديات سودان سات

سودان سات عنوان للإبداع والتميز